इंदापूर बार असोसिएशनच्या नवनियुक्त पदाधिकाऱ्यांचा दशरथ माने यांच्या हस्ते सत्कार संपन्न.

इंदापूर,दि.१८

• इंदापूर तालुका बार असोसिएशन संघटना २०२४/२५ ची कार्यकारणी नुकतीच जाहीर झाली. या संपूर्ण कार्यकारिणीची सोनाई पॅलेस येथे भेट घेतली. कार्यकारणीवर झालेल्या निवडी बद्दल त्यांचा सोनाई परिवाराचे अध्यक्ष दशरथ माने यांच्या हस्ते सत्कार करून शुभेच्छा दिल्या.

अध्यक्षपदी निवड झालेले ॲड गिरीश शहा,उपाध्यक्ष ॲड.भारत कडाळे व ॲड.शरद घोगरे, सचिव ॲड. योगेश देवकर, खजिनदार ॲड. सोमनाथ फुलसुंदर, ग्रंथपाल ॲड.भालचंद्र कुलकर्णी, महिला प्रतिनिधी ॲड. तेजस्वी वीर, सदस्य ॲड.आप्पासाहेब शिंदे यांच्यासह, पुणे जिल्हा राष्ट्रवादी काँग्रेस शरदचंद्र पवार गट उपाध्यक्षपदी निवड झालेले ॲड. माधवराव शितोळे देशमुख, वनसंरक्षक पुरस्कार विजेते ॲड. सचिन राऊत यांचा यावेळी सन्मान करण्यात आला.

या प्रसंगी राष्ट्रवादी काँग्रेस पार्टी शरदचंद्र पवार गट तालुका अध्यक्ष ॲड. तेजसिंह पाटील, कार्यध्यक्ष महारुद्र पाटील, महाराष्ट्र प्रदेश कार्यकारणी सदस्य अमोल भिसे, पुणे जिल्हा सामाजिक न्याय अध्यक्ष सागर मिसाळ, ज्येष्ठ ॲड. कृष्णाजी यादव, ॲड. मनोहर चौधरी व इंदापूर बार असोसिएशनचे अन्य सदस्य उपस्थित होते.