वनगळी येथील ३६ वर्षीय महिलेची छेडछाड: इंदापूर पोलीस स्टेशनमध्ये आरोपी विरोधात गुन्हा दाखल.

इंदापूर,दि.१२

• राज्यामध्ये दिवसेंदिवस महिलांबाबतच्या गंभीर घटना घडत आहेत. अशाच प्रकारची गंभीर घटना इंदापूर तालुक्यातील वनगळी येथे घडली असून एका ३६ वर्षीय महिलेचा गावातील पुरुषाने मनात लज्जा उत्पन्न होईल असे कृत्य करत विनयभंग केला आहे. सदर विनयभंग करणाऱ्या व्यक्तीच्या विरोधात इंदापूर पोलीस स्टेशनमध्ये गुन्हा दाखल करण्यात आला आहे.

इंदापूर तालुक्यातील वनगळी येथील ३६ वर्षीय महिला दि.९ जुलै रोजी गुरांना वैरण कापत असताना वनगळी येथील आरोपी विनोद पांडुरंग सोमवंशी याने सदर महिलेचा हात पकडून मनात लज्जा उत्पन्न होईल असे कृत्य करत विनयभंग केला आहे.तशा प्रकारची तक्रार सदर महिलेने इंदापूर पोलीस स्टेशनमध्ये नोंदवली आहे.

तसेच सदर प्रकार घडल्यानंतर सदर महिलेचा पतीने घडलेल्या प्रकाराबाबत जाब विचारण्यासाठी आरोपी विनोद पांडुरंग सोमवंशी यांच्याकडे गेले असता. आरोपी विनोद पांडुरंग सोमवंशी यांने सदर महिलेच्या पतीला शिवीगाळ व दमदाटी करत हात, पाय तोडीन अशी गंभीर धमकी दिल्याचे तक्रारीत म्हटले आहे.