शहा बंधू चं भक्तिमय दर्शन ; श्री लक्ष्मी नरसिंह देवाच्या चरणी इंदापूरच्या विकासाची प्रार्थना.
इंदापूर,दि.१
- इंदापूर शहरातील समाजसेवक व उद्योजक व सर्व जनतेच्या मनावर अधिराज्य करणारे भरतशेठ शहा आणि मुकुंदशेठ शहा यांनी आपल्या मित्र परिवारासह दि. ३१ ऑक्टोबर रोजी श्री लक्ष्मी नरसिंह देवाचे दर्शन घेतले. या प्रसंगी मंदिर परिसरात भक्तिभाव, अध्यात्मिकता आणि भावनिकतेचा संगम दिसून आला.
दर्शनावेळी भरतशेठ शहा यांनी श्री लक्ष्मी नरसिंह देवाच्या पादपद्मी नतमस्तक होऊन इंदापूर तालुक्याच्या सर्वांगीण विकासासाठी आणि जनतेच्या कल्याणासाठी प्रार्थना केली. त्यांच्या चेहऱ्यावर भक्तीचा तेजस्वी भाव आणि समाधान झळकत होते.
दर्शनानंतर शहा बंधूंनी मंदिराच्या पुजाऱ्यांशी संवाद साधत मंदिराच्या विकासासाठी आणि सुविधा वाढविण्यासाठी योगदान देण्याकी तयारी दर्शवली.भरतशेठ शहा म्हणाले की, श्री लक्ष्मी नरसिंह देव हे आमच्या इंदापूरकरांचे आराध्यदैवत आहे.प्रत्येक वर्षी आम्ही कुटुंबीय आणि मित्रांसह येथे येऊन आशीर्वाद घेतो.हे स्थळ आम्हाला धार्मिक शक्तीबरोबरच सकारात्मक ऊर्जा आणि एकात्मतेची प्रेरणा देते.
या प्रसंगी शहा कुटुंबीयांसोबत अनेक मान्यवर मित्र उपस्थित होते. सर्वांनी भक्तीभावाने पूजन, आरती व प्रसाद ग्रहण केले. पुजाऱ्यांच्या वैदिक मंत्रोच्चारात अभिषेक व आरती होत असताना भाविकांनी “जय श्री नरसिंह” असा गजर करत उत्साहाने सहभाग घेतला.
दर्शनानंतर भरतशेठ शहा यांनी मंदिरातील शिल्पकलेचे आणि कलाकृतींचे बारकाईने निरीक्षण केले. तर मुकुंदशेठ शहा म्हणाले की, “धार्मिक स्थळांचा विकास हा केवळ श्रद्धेचा नव्हे तर संस्कृतीच्या जतनाचा भाग आहे. आपण सर्वांनी मिळून ही परंपरा पुढील पिढीकडे पोहोचवली पाहिजे.”
दर्शनानंतर शहा मित्र परिवाराने मंदिर परिसरातील सामाजिक कार्य आणि जनकल्याणाच्या उपक्रमांवरही चर्चा केली. संपूर्ण वातावरण भक्तीमय, शांत आणि तेजस्वी भावनांनी ओथंबलेले होते.
