इंदापूर,दि.९
- इंदापूर तालुक्यातील सणसर येथे वालचंदनगर पोलिसांनी पळून जाणाऱ्या आरोपीचा सिनेस्टाईल पाठलाग करुन अटक केली आहे.वालचंदनगर पोलिस ठाण्यामध्ये १७ ऑगस्ट २०२४ रोजी मारामारी व अॅट्रासिटीतंर्गत दिपक मारुती माने, (वय-२६, रा.सणसर) याच्यावर गुन्हा दाखल झाला होता. तेव्हापासुन तो पोलिसांना सापडत नव्हता.
दि.७ रोजी दुपारी दोन वाजण्याच्या सुमारास सणसर ग्रामपंचायत कार्यालयाच्या जवळील बाजार तळावरती बसला असल्याची माहिती वालचंदनगर पोलिस ठाण्याचे सहायक पोलिस निरीक्षक राजकुमार डुणगे यांना मिळाल्यानंतर त्यांनी तातडीने माने याला पकडण्यासाठी पथक पाठवले.
यावेळी पोलिस आल्याचे दिसतातच माने हा सणसरच्या ओढ्याच्या पुलावरुन पळून जात असताना पाण्यामध्ये उडी मारली. वालचंदनगर पोलीस ठाण्याचे पोलिस हवालदार शैलैश स्वामी, अजित थोरात, गुलाब पाटील, यांनी सिनेस्टाईल पाठलाग करुन ओढ्यामध्ये उड्या मारुन माने याला ताब्यात घेतले.
