इंदापूर,दि.१७
बारामती तालुक्यातील रुई गावच्या हद्दीमध्ये नव्याने झालेल्या पालखी महामार्गाने प्रवास करताना चार चाकी गाडीचा टायर फुटून झालेल्या अपघातामध्ये सणसर (ता.इंदापूर) येथील इंदापूर तालुका कॉग्रेस कमिटीचे अध्यक्ष यांचा मुलगा आदित्य आबासाहेब निंबाळकर (वय २३) या युवकाचा जागीच मृत्यू झाल्याची घटना घडली.
सणसर येथील इंदापूर तालुका काँग्रेस पक्षाचे अध्यक्ष आबासाहेब निंबाळकर यांचा मुलगा आदित्य आबासाहेब निंबाळकर(वय २३) काल दुपारी मंगळवार (ता.१६) रोजी चार वाजण्याच्या सुमारास सणसरहुन पालखी महामार्गाने बारामतीकडे जात होते. लिमटेक ते बारामती दरम्यान रुईपाटी जवळ नव्याने झालेल्या पालखी महामार्गावरुन गाडी जात असताना गाडीचा अचानक टायर फुटून अपघात झाला.
अपघातामध्ये गाडी रस्त्याच्या कडेला असलेल्या इमारतीकडे धडली. या अपघातामध्ये आदित्य याचा जागेवरच मृत्यू झाला असून चार चाकी गाडीचा देखील चक्काचुर झाला आहे. आदित्य निंबाळकर यांच्या मृत्यूमुळे सणसर,भवानीनगर परीसरामध्ये शोककळा पसरली
